फुङ्ग उढेको कपाल
चाहुरिएका भोगाईहरू
 |
| फोटोमा आमा |
टोलाईरहन्छिन
मेरी जून अचेल ।
अस्ताएको मेरो बुढो सूर्यसँगै
मेरी जून अचेल मलिन भएकी छिन।
धमिल र निरिह भाव
अघि पछि टिमटिमाउँने ताराहरू हेर्छिन्
मन बुझाउँन खोज्छिन
तर कैले सम्म ?
जिन्दगी जिउँदै जादाँ
अनेक भोग्न पर्ने, सहनु पर्ने र महशुस गर्नै पर्ने
नियती बिरूध्द लड्ने हिम्मत गर्दिनन्
चुपचाप घुम्छिन् समयको चर्खामा।
पुनः नउदाउने सर्तमा
उनको संसारको घाम अस्ताइसकेको छ,
र पनि हरेक बिहान आफूलाई सम्हाल्छिन
सोच्छिन एकदिन म पनि अस्ताउँनेछु छु उनी जस्तै ।
हरेक दिन र रातहरू एकनास
के सोच्छिन कुन्नी
बोलाउँदा झस्किन्छिन निरस अनुहार
मेरी जून अचेल टोलाईरहन्छिन् ।
No comments:
Post a Comment