कविता :- आज एउटा घाम डुब्यो.....

फेरी कहिलै नउदाउने गरी,
आज एउटा घाम डुब्यो ....

उषा कालमै,
उदाउँदा उदाउँदै
सुनौला किरणहरुले
कहीँ छुनै नपाउँदै
अफशोच,
आज एउटा घाम डुब्यो.....

संसारलाई उज्यालो दिने
आफ्नो छुट्टै अस्तित्व दिने,
अनी मनका असंख्य रहरहरु
रहरमै कायम राख्दै
आज एउटा घाम डुब्यो ....

अभागी घाम,
होइन,
अभागी हामी हौ,
किनकी उस्को साथ खै ?
अब तिम्रो अनी मेरो अस्तित्व के ?
खै अब के छ हामी सँग,
छ त केवल कटु सत्य
आज एउटा घाम डुब्यो .......