हेप्पी न्यू इयर पहाडी गुराँस

हरेक साँझ,

सुस्तरी चलेको बतासले

तिम्रा गालाहरूमा हल्का स्पर्श गर्दा

तिमीलाई मेरो झझल्को आउँछ कि आउँदैन्  ?

बुफ्यालो क्रिकको चिसो पानीमा 

दुबै गोडा डुबाउँदा

तिम्रा पाइतालाहरूमा लाग्ने हल्का काउकुतीले

तिमीलाई मेरो झझल्को आउँछ कि आउँदैन् ? 

शनिबारीय साँझ

सामुन्द्रिक किनारमा हात समातेर 

बरालिएका जोडीहरु देख्दा

तिम्रो मनमा काउकुती लाग्छ कि लाग्दैन् ? 

हरेक बिहान घाम उदाउनु भन्दा पैले

चराहरू ब्यूँझनु अघि 

तिम्रा यादले सताउँछन् मलाई। 

ओ पहाडी गुराँस !

तिमीलाई सञ्चै छ ? 

अनि तिमीले भित्र्याउने नयाँ वर्ष?

हेप्पी न्यू इयर पहाडी गुराँस।