मेरो संसारको सूर्य

समयको क्रुर पन्जामा 

छट्पटिएको दुइ मन,

यौटा यहाँ 

अर्को सात समुद्र पार। 

मेरो संसारको बुढो सूर्य 

जसको न्यानोपनले  मेरो बाल्यकाल अद्वितीय बन्यो।

मेरो यौवन स्वतन्त्रत झल्मलायो,

जीवन थाक्न खोज्दा 

बिसाउने चौतारी ,

अनि जिन्दगी सँग लड्ने साहस र शीतलता दियो। 

सृष्टिको नियम हो,

बादल, वर्षा, उदाउनु र अस्ताउनु, 

र पनि यो मन कामना गर्छ

सृष्टिको नियम भङ्गै होस्

तर 

मेरो घामले कहिल्यै अस्ताउँन नपरोस्।