कदमको रुख

एकनाश शिशिरे तुषारो

आँधि,हुरी र असिना

टन्टलापुर घाम,

सबै सधैं सहेर्

उही बर पिपलको छेउमा

त्यो बुढो कदमको रुख अझै

बसन्त कुर्दै छ !

तीन बर्ष भएछ

बसन्त नआएको,

उसका हाँगाहरुमा पात नफेरिएको,

बटुवाले उसको सिँयाल नपाएको,

आफ्ना हाँगाभरी सेता सेता फून नफुलाएको,

लटरम्मै खैरा फल नफलाएको,

अनी,

कुक्कु र जुरेली भोकै रहेँको !

त्यो क्षितिज पारीको परदेशीलाई

घरदेशको मिठो सुगन्ध,

स्वदेशी माया पुर्‍याउने रहर,

हरियै पात फेरेर,

भरेली फूलहरु फुलाउँदै,

बग्रेल्ती फल फलाएर !

कुक्कु र जुरेलीको भोक मेटाई,

थकित बटुवाहरु सुस्ताएर,

उनिहरुको सन्तुस्टी पूर्ण एक मुस्कान पाउन

लगातार को शिशिर बाट पनि हार नमानी

त्यो बुढो कदम अझै बसन्त कुर्दै छ !


एकनाश शिशिरे तुषारो

आँधि,हुरी र असिना

टन्टलापुर घाम,

सबै सधैं सहेर्

उही बर पिपलको छेउमा

त्यो बुढो कदमको रुख अझै

बसन्त कुर्दै छ !